Policia e Tiranës ka vënë në pranga autorin që plagosi me thikë një ditë më parë një 25-vjeçar.
Sipas policisë është arrestuar E. K., 22 vjeç. Ngjarja ndodhi të premten rreth orës 13.00 në rrugën “Frosina Plaku” në Tiranë. 25-vjeçari u dërgua menjëherë në spital dhe ndodhet jashtë rrezikut për jetën.
Lexo edhe- Tiranë/ Plagoset me thikë 25-vjeçari, në kërkim autori
NJOFTIMI I POLICISE
Komisariati i Policisë nr 2, Tiranë
Kapet dhe arrestohet autori i dyshuar i plagosjes së rëndë me dashje të 35 vjeçarit.
Specialistët për Hetimin e Krimit në bashkëpunim me Patrullat e Përgjithshme të Komisariatit të Policisë nr 2 në Tiranë, pas informacioneve të marra dhe kontrolleve të shumta, bënë kapjen dhe arrestimin e shtetasit:
E. K., 22 vjeç, banues në Tiranë.
Arrestimi u bë për veprën penale “Vrasja me dashje e mbetur ne tentative” dhe “Prodhimi, mbajtja, blerja apo shitja pa leje e armëve të ftohta”.
Ky shtetas më datë 07.06.2019, rreth ores 13.00, në rrugën “Frosina Plaku”, për motive të dobëta ka goditur me thikë shtetasin S.P, 25 vjeç, banues në Tiranë.
Materialet i kaluan Prokurorisë së Rrethit Gjyqesor Tiranë për veprime të mëtejshme.