Një aksident me pasojë vdekjen është regjistruar në aksin rrugor Peqin–Elbasan, në fshatin Përparim të bashkisë së Peqinit.
Sipas informacioneve paraprake, një i moshuar ka humbur jetën pasi është përplasur nga një automjet, teksa po kalonte rrugën.
Pas ngjarjes, në vendngjarje kanë mbërritur shërbimet e Policisë, të cilat kanë nisur hetimet për të zbardhur rrethanat dhe shkaqet e aksidentit. Identiteti i viktimës dhe detaje të tjera pritet të bëhen të ditura pas veprimeve të para hetimore.