Një aksident rrugor është regjistruar paraditen e kësaj të marte, rreth orës 09:40, në aksin e rrugës kombëtare pranë rrethrrotullimit të Bradasheshit, në hyrje të qytetit të Elbasanit.
Sipas informacioneve paraprake, në aksident janë përfshirë katër automjete. Si pasojë e përplasjes, dy persona kanë mbetur të lënduar dhe janë transportuar në spital për të marrë ndihmë mjekësore, ndërsa automjetet kanë pësuar dëme të konsiderueshme materiale.
Rrethanat e aksidentit ende nuk janë sqaruar, ndërsa grupi hetimor po punon për zbardhjen e shkaqeve dhe dinamikës së ngjarjes.