Një konflikt mes dy familjeve është regjistruar këtë të martë në fshatin Dedaj, në bashkinë e Pukës, ku si pasojë kanë mbetur të plagosur dy persona.
Të lënduarit janë transportuar në Spitalin e Pukës, ku po marrin ndihmën mjekësore, ndërsa deri më tani nuk janë bërë të ditura detaje mbi gjendjen e tyre shëndetësore.
Menjëherë pas ngjarjes, në vendngjarje kanë mbërritur forca të shumta policie, të cilat kanë nisur hetimet për zbardhjen e plotë të rrethanave të konfliktit.
Burime paraprake bëjnë me dije se në komisariat është shoqëruar shtetasi Fatjon Shkreli, ndërsa grupi hetimor po kryen veprimet procedurale dhe po mbledh provat për dokumentimin e ngjarjes.
Sipas informacioneve të para, konflikti dyshohet se ka ndodhur mes familjeve Shkreli dhe Istrefi, të cilat prej vitesh kanë pasur mosmarrëveshje të lidhura me çështje pronësie.
Hetimet vijojnë për të sqaruar dinamikën e plotë të ngjarjes dhe përgjegjësitë e secilit prej të përfshirëve.