Dy shtetas shqiptarë, nënë e bir, kanë humbur jetën në një aksident të rëndë rrugor të ndodhur mëngjesin e së enjtes në Greqi.
Ngjarja ka ndodhur rreth orës 07:30 në aksin Amfipolis–Drama, pranë zonës së Paleokomit, në rajonin e Serres.
Sipas informacioneve paraprake, një automjet pasagjerësh është përplasur me një kamion për shkaqe që ende nuk janë sqaruar.
Si pasojë e përplasjes së fortë, kanë humbur jetën në vendngjarje drejtuesja e automjetit, një grua 43 vjeçe, dhe djali i saj 24-vjeçar. Të dy viktimat ishin shtetas shqiptare.
Trupat e viktimave janë transportuar në Spitalin e Përgjithshëm të Serres. Ndërkohë, drejtuesi 57-vjeçar i kamionit ka mbetur i plagosur dhe është dërguar në Spitalin e Përgjithshëm të Dramës.
Autoritetet greke kanë nisur hetimet për të zbardhur shkaqet dhe rrethanat e aksidentit tragjik.