Gjykata e Apelit të Juridiksionit të Përgjithshëm ka lënë në fuqi masën e sigurisë “arrest me burg” për Elisabeta Matajn, ish-drejtoreshën e Postës së Durrësit për skandalin me abuzimet e fondeve të institucionit.
Ndërkohë, për dy ish-vartëset e saj, Paola Danaj dhe Valbona Duni është lënë në fuqi masa “arrest në shtëpi”. Vendimi i Apelit konfirmon masat e sigurisë të vendosura ndaj tre të pandehurave, ndërsa hetimet për rastin vijojnë.
Nga hetimet, rezultoi se gjatë muajve prill dhe maj, këta shtetase kanë përvetësuar shumën prej 69 milionë lekësh të rinj (mbi 700 mijë euro), e cila ishte planifikuar të arkëtohej nga filiali i Postës Shqiptare Durrës, për degët Shijak dhe Krujë, me qëllim shpërndarjen e pensioneve dhe ndihmave sociale për qytetarët e këtyre zonave.