Një zjarr i përmasave të mëdha ka përfshirë gjatë mbrëmjes së së dielës një zonë kodrinore në fshatin Qishbardhë të Vlorës.
Flakët po favorizohen nga era e fortë, e cila po ndihmon në përhapjen e zjarrit në terren.
Ndërhyrja e forcave zjarrfikëse paraqitet e vështirë për shkak të terrenit të thyer, ndërsa errësira e vështirëson më tej operacionin për shuarjen e flakëve.
Ndërkohë, situata vijon të monitorohet nga autoritetet, ndërsa mbetet për t’u parë nëse zjarri do të përhapet më tej gjatë orëve në vijim.