Të paktën 10 persona kanë humbur jetën dhe 8 të tjerë janë plagosur nga një sulm me raketa ruse në Kharkiv, sipas guvernatorit të rajonit, Oleg Synegubov.
Të plagosurit janë dërguar për trajtim mjekësor, ndërsa autoritetet vijojnë operacionet në zonën e goditur.
Sulmi ka shkaktuar dëme të konsiderueshme materiale. Sipas autoriteteve, janë dëmtuar të paktën 10 banesa private, një kafene, një zyrë postare, një dyqan, si dhe të paktën shtatë automjete.
Kharkiv, një nga qytetet kryesore të Ukrainës dhe i pozicionuar pranë kufirit me Rusinë, ka qenë vazhdimisht në shënjestër të sulmeve ruse që prej nisjes së pushtimit në shkallë të plotë.
Përditësimet e fundit nga autoritetet ukrainase tregojnë se sulmet ndaj qytetit dhe rajonit vijojnë.