Ndryshime të reja kanë ndodhur në Policinë e Shtetit.
Ashtu sikurse u njoftua e një ditë më parë, Drejtues i Parë Kastriot Skënderaj emërohet Drejtor i Drejtorisë Vendore të Policisë Elbasan, duke zëvendësuar Fatmir Hoxhën.
Ky i fundit, emërohet Specialist në Drejtorinë për Integrimin në DPPSh.
Luigj Vathi, nga Drejtor i Drejtorisë Vendore të Policisë Berat, emërohet Drejtor i Drejtorisë Vendore për Kufirin dhe Migracionin Korçë.
Gëzim Zhupaj i cili u zëvendësua në detyrë nga Vathi, emërohet Shef Sektori në Departamentin për Rendin dhe Sigurinë Publike në DPPSh.
Kryekomisar Dashnor Muhaj transferohet nga Zëvendësdrejtor për Rendin dhe Sigurinë Publike në DVP Tiranë dhe emërohet Specialist për Migracionin e Parregullt në Departamentin për Kufirin dhe Migracionin në DPPSH.