Bebe Rexha ka pasur një arsye të veçantë për të festuar, teksa vëllai i saj ka kurorëzuar dashurinë në martesë. Këngëtarja me origjinë shqiptare nuk ka qëndruar thjesht mes të ftuarve, por i është bashkuar atmosferës së festës nën ritmet e muzikës shqiptare.
Në pamjet e publikuara nga dasma, Bebe shihet në valle së bashku me disa vajza të tjera, duke kërcyer dhe shijuar muzikën popullore shqiptare.
Artistja duket plotësisht e përfshirë në festë, duke treguar edhe një herë lidhjen e saj me traditat dhe origjinën shqiptare.
Për ditën e veçantë të të vëllait, Bebe kishte zgjedhur një fustan elegant në ngjyrë të kaltër të hapur, ndërsa flokët e shkurtër i kishte lënë të lirë dhe të drejtë.
Dasma është kthyer kështu jo vetëm në një moment të rëndësishëm familjar për këngëtaren, por edhe në një festë ku nuk kanë munguar muzika dhe vallet shqiptare.