Mbrojtësi Jimmy Dunne (28) është emëruar si një nga dy portierët rezervë të kombëtares së Irlandës për ndeshjen e Ligës së Kombeve kundër Izraelit këtë të diel (ora 20:45) në Hungari.
Në fakt, rregulloret e UEFA-s kërkojnë që ekipet të regjistrojnë të paktën tre portierë për ndeshjet e Ligës së Kombeve, dhe për këtë arsye Federata Irlandeze e Futbollit u desh të gjente një zgjidhje të improvizuar për të kompensuar tërheqjen e Gavin Bazunut.
Portieri u tërhoq nga skuadra kombëtare për këto dy ndeshjeje (një ndeshje e dytë do të zhvillohet në Serbi më 4 tetor) për shkak të luftës në Gaza.
“Vendimi im bazohet vetëm në bindjen time personale se vrasja e njerëzve të pafajshëm është e padrejtë. Është e rëndësishme të sqarohet se qëndrimi im nuk drejtohet kundër popullit izraelit apo komunitetit hebre, por kundër mizorive të kryera në rajon”, shpjegoi Bazunu në llogarinë e tij në Instagram.