Jo vetëm trafikun apo rrugët e mbyllura: hartat e Google do të lajmërojnë përdoruesit edhe në rastet e katastrofave natyrore.
Ato do të japin njoftime për parashikimin e uraganëve, dhe nëse përdoruesit janë afër zonës së goditur; do të tregojnë epiqendrën dhe zonat që prek një tërmet.
Në Indi, ku ndodhin 20% e vdekjeve globale të shkaktuara nga përmbytjet do të ketë paralajmërime ad hoc. Ky shërbim quhet SOS Alert dhe i jep mundësinë përdoruesve që në kohë reale të kenë informacionin e autoriteteve në situatë krizash. Dhe në shërbimin mjaft popullor të hartave vjen edhe takimetri që tregon në kohë reale shpejtësinë me të cilin po udhëton dhe alarmin që i thotë drejtuesit se po kalon limitin në një zonë të caktuar. Aplikacioni, në disa vende është në gjendje të tregojë limitin e shpejtësisë.