Arka e Xhamisë së Burrelit është vjedhur mesditën e sotme nga persona ende të paidentifikuar, ndërkohë Policia e Matit ka nisur hetimet për zbulimin dhe ndalimin e personave që kryen këtë akt të shëmtuar.
Burime pranë këtij objekti kulti bënë me dije se grabitja dyshohet të jetë kryer nga tre a katër adoleshentë, të cilat janë pikasur nga pastruesja e objektit, por ajo nuk i ka njohur ato.
Autorët kanë shqyer kasafortën që mbante paratë e dhuruara nga donatorë të ndryshëm gjatë muajit të Ramazanit, me të cilat po kryhen punime për restaurimin e xhamisë kryesore në rrethin e Matit.
“Janë grabitur afto 70 mijë lekë të rinj. Nuk jemi të qartë në se autorët kanë qenë predikues gjatë muajit të Madhnueshëm të Ramazanit, por kemi dyshime se autorët janë disa djem të moshës 14-16 vjeç. Ky është një akt shumë i shëmtuar, i pafalshëm”, thanë drejtuesit e Xhamisë Burrel.
Sakaq burime pranë Komisariatit të Policisë Mat u shprehën se autorët me siguri njihen nga drejtuesit e Myftinisë dhe se kërkojnë bashkëpunimin e tyre për kapjen dhe arrestimin e personave që kryen këtë vepër penale. /tirananews.al/