Qendra Spitalore Universitare “Nënë Tereza” vijon procesin e furnizimit me oksigjen të lëngshëm mjekësor, një element jetik për funksionimin e shërbimeve spitalore dhe trajtimin e pacientëve.
Përmes organizimit, monitorimit dhe koordinimit të vazhdueshëm, ky proces realizohet në përputhje me nevojat e institucionit, duke garantuar furnizimin në kohë dhe vijimësinë e shërbimeve shëndetësore.
Furnizimi me oksigjen mjekësor është një nga hallkat e rëndësishme të funksionimit të përditshëm të QSUT-së, duke mbështetur punën e strukturave spitalore dhe kujdesin ndaj pacientëve që kanë nevojë për këtë shërbim jetik.
Garantimi i sigurisë së pacientëve dhe funksionimi pa ndërprerje i shërbimeve mbeten prioritete të përditshme të institucionit.