Një konflikt mes dy të burgosurve në Institucionin e Ekzekutimit të Vendimeve Penale (IEVP) në Durrës ka përfunduar me plagosjen me thikë të njërit prej tyre.
Ngjarja ka ndodhur të dielën e 15 nëntorit, ku Muharrem Bugjisha ka plagosur Ilir Bibën.
Materialet procedurale janë dërguar për veprime të mëtejshme në Prokurorinë Pranë Gjykatës së Shkallës së Parë të Juridiksionit të Përgjithshëm Durrës.
Bugjisha akuzohet për veprat penale “Plagosja e lehtë me dashje” dhe “Futja ose mbajtja e sendeve të ndaluara në institucionin e ekzekutimit te vendimeve penale”, të parashikuara nga nenet 89 dhe 324/a të Kodit Penal.
Muharrem Bugjisha ndodhet në burg, pasi ka vrarë dy vëllezerit Arbër dhe Bilbil Batusha, ngjarje e ndodhur ne vitin 2014 në Kukës.
