Çifti shumë i dashur për publikun, Ermal Mamaqi dhe Amarda Toska, kanë nisur pushimet verore dhe destinacioni që kanë zgjedhur për t’ju larguar zhurmës së Tiranës, është Turqia. Dyshja ka publikuar foto të ndryshme nga resorti luksoz ku janë duke pushuar dhe duke shijuar rrezet e diellit e temperaturat e larta të këtyre ditëve. Ka qenë Ermali ai që në postimin e fundit në ‘Instagram’, bashkangjitur fotos me Amin ka shkruar: “Mënyra më e mirë për të parashikuar të ardhmen, është ta krijosh atë”.
Ndërsa Ami ka publikuar një foto shumë të veçantë ku shfaqet me krahët hapur në pishinë, duke shijuar momentet e relaksit pranë partnerit të saj. Siç duket dhe nga pamjet e publikuara, çifti i njohur është duke kaluar momentet më të bukura krah njëri-tjetrit pas një sezoni impenjativ dhe të lodhshëm në profesionet e tyre.
Kujtojmë se në një intervistë të dhënë së fundmi në programin ‘E diell’, e pyetur nga drejtuesit e emisionit, Ami ka pohuar se lidhja e tyre ka hasur shumë polemika në fillimet e saj nga njerëzit që nuk i njihnin, megjithatë koha e vërtetoi më së miri marrëdhënien e tyre.
