Përpara pak ditësh, Stresi fitoi lirinë pas izolimit në qeli për 8 muaj. Reperi shqiptar u prit me festë nga familjarët dhe fansat e tij, të cilët i qëndruan pranë në momentet e vështira. Dita e daljes nga burgu përkoi edhe me ditëlindjen e reperit, ndaj ai e cilësoi si një nga dhuratat më të bukura që ka marrë ndonjëherë. Pas daljes nga burgu, Stresi duket se ka filluar të mendojë menjëherë për rikthimin e tij në muzikë.
Ditën e sotme ai ka treguar se shumë shpejt do të kthehet fuqishëm, ndaj i ka paralajmëruar të gjithë të bëhen gati për hite të reja. Reperi ka publikuar në ‘Instagram’ një foto të këngës së tij të fundit “Të dum mom” me të cilën mori pjesë në ‘Kënga Magjike’, por konkurrimin nuk mundi ta çonte deri në fund për shkak të ngjarjes që ndodhi.
Përkrah fotos së shkëputur nga kënga, Stresi ka shkruar: “Këtu e lashë… Më mirë mos ta dini vazhdimin. Shihemi së shpejti”
