Kreu i shtetit Ilir Meta i ka dërguar një tjetër letër Komisionit Qendror të Zgjedhjeve ku i kërkon të njihet me praktikën shkresore që ka ndjekur institucioni për njoftimin e krijimit të vakancave në Kuvend, për shkak të lënies së mandateve nga opozita.
Në letrën e parë drejtuar këtij institucioni kreu i shtetit kërkoi informacion se sa deputetë ka aktualisht Kuvendi, ku në përgjigjen që mori janë plot 122 deputetë.
Lexo edhe- KQZ i përgjigjet Metës: Ky është numri i deputetëve në Kuvend
Në letrën e dytë Presidenti kërkon dhe kopjen e njoftimit të Kuvendit dhe kopjen e dorëheqjes së deputetit nga mandati.
Po ashtu, Kreu i Shtetit kërkon t’i vihet në dispozicion një kopje e vendimit të KQZ për dhënien e mandatit deputetëve pasues në listën shume emërorë.