Një 53-vjeçare ka humbur jetën rreth orës 01.00 pas mesnate, ndërsa drejtuesi i mjetit është dorëzuar vetë në polici disa orë më vonë.
Ngjarja e rëndë ka ndodhur në Bulevardin “Blu” në Kamës, ku A.M., 32 vjeç duke drejtuar mjetin e tij ka aksidentuar L.L., 53 vjeçe, këmbësore.
E ndjera ndërroi jetë në spital si pasojë e plagëve të mara. 32-vjeçari u largua nga vendi i ngjarjes, por më pas u identifikua nga kamerat e sigurisë rreth vendit të ngjarjes. Ai u paraqit vetë më pas në ambientet e komisariatit të policisë rrugore.
Ndaj tij rëndojnë akuzat “Shkelja e rregullave të qarkullimit rrugor” dhe “Largimi nga vendi i aksidentit” .