Deputetja e Partisë Demokratike, Grida Duma, që është njëherësh dhe pedagoge tek Fakulteti i Shkencave Sociale, ka publikuar një video nga salla e leksionit, ku shihet se asnjë student nuk ka shkuar në auditor.
Në një postim në Facebook, Duma shkruan se studentët sot nuk duan të marrin leksione, por vetëm i kanë dhënë leksione “parisë” prepotente të vendit.
“Në mbi 15 vite leksione nga sallat e universitetit, sot sallat janë bosh dhe studentët nuk marin por po japin leksione. Ata i dhanë nje leksion të madh “parisë” prepotente të vendit dhe nën acarin e stinës ngrohën shpresën më të madhe të shqiptarëve për ndryshim”, shton në postimin e saj deputetja e PD.