Presidenti ka marrë drejtimin e opozitës është shprehur kreu i qeverisë Edi Rama në kafen e mëngjesit me banorë të njësisë nr. 4 në Tiranë.
“Presidenti ka marrë drejtimin e opozitës. Dështon Luli, ndërhyn Iliri. Është fatkeqësi e madhe për institucionin, por s’kemi çfarë të bëjmë. E thashë unë, erdhi dita që edhe Bujar Nishani të duket si Xhefersoni, habi e madhe”, tha Rama.
Sipas tij Presidenti i hodhi benzinë zjarrit me marrëzinë e çfirmosjes së dekretit për datën e zgjedhjeve. “Sot aktualisht e kam marrë përgjigje shumë të qartë ajo histori dhe nga Kolegji Zgjedhor”, tha Rama.
