Kreu i shtetit Ilir Meta teksa bëri të ditur se ka vendosur të dekretojë si datë të zgjedhjeve lokale 13 tetorin 2019, i është përgjigjur dhe akuzave të kryeministrit se këshillohet nga “filxhani”i Monikës, bashkëshortes së Presidentit në krye të LSI-së.
Meta tha se Monikën e ka gjetur në partinë që drejton Rama sot dhe se di të ndajë anën shpirtërore nga ajo institucionale. “Monikën e kam gjetur në partinë që drejton sot Rama. Po rëndësi kanë detyrat që kam patur. Di të ndaj anën shpirtërore dhe familjare nga anët shtetërore dhe institucionale. Për mua është tjetër gjë Monika dhe tjetër gjë Republika”, tha Meta.
Ai theksoi se po bën maksimumin që të evitojë një konflikt jo vetëm politik dhe institucional po dhe social.
Ilir Meta thotë se nuk do largimin e kryeministrit Edi Rama nga posti që mban, por rreflektimin e tij.
Presidenti siguron se nuk ka asnjë lidhje me opozitën dhe se është krejtësisht mbi palët.
Ndërkohë, Meta bën një përjashtim ku nënvizon se ka dobësi të veçantë veç për ish kryeministrin Sali Berisha.
“Unë besoj se dhashë shpjegimet e duhura për momentin, i panjohur, i papritur ende i pa asimiluar mirë dhe mënyrë racionale nga aktorë të caktuar, shpresoj reflektim të të gjithëve.
Secili është reagimi i Ramës është përgjegjshmëri e tij. Në raport me të ardhmen Europiane, më duhet të përsëris që agjenda ime nuk është e opozitës “Rama ik”, por “Rama reflekto”
Nuk i takon atij që të jetë protagonist i një të diele ndarëve. Ju mendoni që unë nuk kam shpresë që ai nuk do të reflektojë? Kemi kohë, kemi shpresë...”, tha Meta.
