Mjaft hite janë publikuar këto kohë dhe që do të jenë shoqërueset tuaja gjatë gjithë verës, por nuk keni parë akoma superhitin.
Elvana Gjata dhe Capital T duket se kanë bashkuar forcat për një projekt të ri, pas suksesit të padiskutueshëm të “Lejla”.
Sipas prive.al kënga do të publikohet ditën e sotme dhe klipi i saj është realizuar në Turqi.
Dyshja ka qenë mjaft aktivë në rrjetet sociale kohët e fundit, megjithatë ende nuk ka zbuluar se janë duke punuar bashkë dhe kjo do të jetë një surprizë për fansat e tyre.
Mbrëmjen e kaluar Capital T ka publikuar një foto me mbishkrimin, “Qetësi para stuhie”, dhe sigurisht ka ngjallur mjaft kuriozitet tek të gjithë.