Shefi i Urgjencës në Spitalin e Peshkopisë, Dr. Hajri Lusha sqaron situatën lidhur me pretendimin e Partisë Demokratike se policia ka ushtruar dhune ndaj shtetases Aferdita Shehu në orët e para të ditës së sotme.
Sipas mjekut, pacientja ka mbërritur në një gjendje të renduar emocionale, sindroma neurotik me gjendje lipotomie, shkaktuar nga arrestimi i një prej familjareve të saj. Ajo ka marre asistence të menjëhershme dhe i janë bërë kontrollet e duhura mjekësore, të cilat konfirmojnë se nuk ka patur asnjë shenjë dhune. Ketë e konfirmon edhe fakti se pacientja ka qëndruar me pak se një ore në spital dhe prej orësh ndodhet në banesën e saj. Dr. Lusha i Ben thirrje forcave politike te mos abuzojnë me pacientet e të mos përhapin panik për situata të stisura.