Bashkia e Shkodrës ka mbyllur me dryn dyert e KZAZ nr.5 në shkollën ‘Pashko Vasa’ duke i lënë materialet e votimit në mes të rrugës.
Në videon e mëposhtme shihet qartë se personat përgjegjës për shpërndarjen e materialeve zgjedhore në çdo KZAZ kanë mbetur jashtë dyerve të shkollës, bashkë me ta janë dhe punonjësit e policisë që i shoqërojnë.
Kutitë e votimit në këtë qendër janë shpërndarë me mjete private. Kujtojmë se gjatë ditës së sotme kryebashkiakja e Shkodrës është shprehur se policia ka hapur me dhunë ambientet nën administrimin e bashkisë, ndërkohë KQZ ka bërë thirrje që ajo të mos pengojë punën për vendosjen e kutive të votimit në çdo qendër.