Nënkryetari i PD, Edi Paloka është shprehur se kryeministri Edi Rama ka kryer një operacion kriminal të blerjes së votave.
Paloka publikoi një video ku sipas tij një grup personash nga Partia Socialiste kryejnë aktin e blerjes së votës.
“Edi Rama ka kryer një operacion kriminal për blerjen e votuesve. Edhe kur është i vetëm në votime atij i duhet të blejë votues, të vjedhë e të manipulojë votues. Këtë herë i duhet pjesëmarrja ndaj ka vendosur sërish në funksionim skemën e blerjes së votuesve.
Video tregon rastin e dhënieve të parave për blerjen e votës nga një grup i strukturuar kriminal i PS dhe Edi Ramës. Njëri nga personat është Edmond Ajro, komisioner i PS në KZAZ nr. 9.
Kjo është fytyra kriminale e Edi Ramës dhe Erion Veliajt. Gjëja më e mirë që mund të bëni është të bojkotoni Edi Ramës dhe bashkohuni protestuesve.”, tha Paloka.