Gjatë paradites së sotme, kryetari i KQZ-së Ilirjan Celibashi dhe Nënkomisionerja Lealba Pelinku kanë zhvilluar një bashkëbisedim me gazetarët ku këta të fundit e pyetën kryekomisionerin nëse do ta linte postin që mban aktualisht po t’i vinte mundësia për të marrë pozicionin e kreut të shtetit.
Me buzëqeshje, Celibashi u shpreh se kjo ishte e hera e parë që dëgjon se ai mund të jetë një kandidat për president. Megjithatë, ai sqaroi se një gjë e tillë nuk është ambicia e tij,
“E dëgjoj për herë të parë. E di që gjithkush, ndoshta gjithkush mund të përkedhelej nga kjo. Por jo unë. Nuk është ambicia ime. Nuk e konsideroj serioze, në raport me propozimin. Për herë të parë po e dëgjoj…” , tha Celibashi.