Kryetari i Partisë së Lirisë, Ilir Meta është pyetur nëse do të kandidojë për Bashkinë e Tiranës në zgjedhjet e ardhshme vendore. Në një intervistë për Euronews, Meta tha se kjo nuk është e rëndësishme tani, pasi sipas tij, pas zgjedhjeve, bashkitë e vendit do i kthehen normalitetit.
Meta tha se opozita ka shumë kandidatë të mirë, teksa shton se do të mbështesë këdo që do të kandidojë.
Pyetje: Do kandidoni për Bashkinë e Tiranës?
Meta: Nuk e di se për çfarë artikulohet më parë emri im. E rëndësishme është që Bashkia e Tiranës, do t’i rikthehet qytetarëve të Shqipërisë, ashtu si dhe bashkia e Durrësit dhe shumica e bashkive të vendit. 4 vjet pushtet 100% i Rilindjes është shumë i qartë dhe dramën më të madhe e kishte Tirana, ku Teatri kombëtar u shemb në mes të natës dhe gjatë pandemisë. Tirana që janë vrarë aq shumë hapësira të gjelbërta. Çdo kandidat i opozitës së vërtetë do jetë triumfues për shkak të
Pyetje: Nëse ju kërkohet, jeni gati ta ndërmerrni?
Meta: Besoj që opozita ka shumë alternativa brenda saj, ka një filozofi krejt tjetër, që e duan me shpirt dhe zemër. Secili do ketë mbështetjen time. Aktet më të rëndësishme për Tiranën janë marrë nga unë si kryeministër. Pavarësisht se Rama përpiqej që t’i shiste si arritjet e tij. Ju shumë parqe lodrash, i keni parë se çfarë ndodhi kur i kishte gjithçka në dorë.