Situata në universitete vijon të mbetet e nderë, teksa pedagogët kanë vendosur të kalojnë protestën e tyre në tjetër nivel, duke kërkuar dhe mbështetjen e studentëve.
Pedagogët e Fakultetit të Shkencave Sociale në Tiranë përmes një vendimi me shumicë votash kanë vendosur nisjen e grevës.
Pjesa më e madhe e pedagogëve me 36 vota pro dhe 2 kundra i hapën rrugë kauzës së re të grevës dy ditë më parë, ndërsa ata kërkuan ndihmën edhe të studentëve që t’i mbështesin.
Ditë më parë mbledhja e senateve në Universitetin e Tiranës i kërkoi qeverisë të reflektonte mbi disa propozime, që në thelb mbronin autonominë e universitetit. Krahas kësaj, ata parashtruan si pikë edhe shfuqizimin e Ligjit të Arsimit të Lartë dhe ndalimin e shantazhit ndaj pedagogëve.

Ndërkohë në një takim javën e shkuar me ministren e Arsimit Besa Shahini, pedagogët nuk arritën në një pikë të përbashkët.
