Kreu i Grupit Parlamentar të PD Gazment Bardhi është shprehur se është zgjedhur Sekretar i Përgjithshëm i kësaj partie nga Këshilli Kombëtar.
Këtë e tha në një intervistë për emisionin “Now” në Euronews Albania ndërsa u pyet nëse do të qëndrojë sekretar i përgjithshëm i partisë dhe nëse Lulzim Basha vendoset në krye të kësaj partie.
“Unë jam sekretar i përgjithshëm i PD, i zgjedhur nga Këshilli Kombëtar i PD dhe do të jem në atë detyrë deri në ditën që më ka zgjedhur Këshilli Kombëtar. Më 29 korrik për mua nuk ka zgjedhje për kryetar, nëse dikush i vë kurorën e kryetarit vetvetes është zgjedhje e tij, por përtej kësaj nuk më intereson asnjë titull as në PD dhe askund tjetër. Për sa kohë të jem në politikë do të bëj atë që unë besoj. Konflikti e dobëson, për të mos thënë që e çon drejt asgjësimit PD-në për të mos thënë dhe opozitën. Bashën as nuk do e luftoj por as nuk do e mbështes”-tha ai.