Presidenti Ilir Meta ka deklaruar se do të dekretojë do shumicë që do të dalë nga zgjedhjet e 25 Prillit. Meta u shpreh në “TV1 Channel”, se do i besojë rezultateve që shikon vetë duke shtuar besimin më të madh e ka te populli shqiptar.
“Do dekretoj çdo shumicë që do të dale nga 25 prilli, nga zgjedhjet e lira dhe te ndershme. Do t’i besoj rezultateve që shikoj unë. Do dekretoj atë shumicë që fiton numrin më të madh të mandateve. Besimi më i madh është tek populli shqiptar. Çështja e zgjedhjeve i takon çdo prindi, fëmije, nënë dhe babai.
Jam i vetmi politikan në Shqipëri, që çështjen e integrimit e kam pasur prioritetin e tij kryesor. Partia Socialiste ka qenë një parti demokratike, Edi Rama e tjetërsoji përmes strukturave të kapjes që ka instaluar, si parti-shtet”, shprehet Meta.