Ministrja e Mbrojtjes, Olta Xhaçka i ka propozuar presidentit Ilir Meta shkarkimin e gjeneralit të Forcave Detare, Ylber Dogjanin si masë për ngjarjen e ndodhur disa javë më parë në bazën ushtarake të Pashalimait. Në bazë të ligjit kompetenca për të miratuar propozimin për shkarkim të ministres së Mbrojtjes e ka pikërisht Kreu i Shtetit.
Ndaj nuk dihet nëse Meta do ta marrë në konsideratë këtë propozim, kjo jo vetëm për shkak të marrëdhënieve të tensionuara që ka me qeverinë, por edhe sepse sic mësohet Dogjani gëzon mbështetjen e Metës.
Dogjani është emëruar në këtë detyrë në vitin 2015. Asaj kohe ministre ishte Mimi Kodheli. Qeveria Rama përbëhej nga koalicioni ndërmjet PS dhe LSI.
