Pas intervistës në emisionin “Porta a Porta”, me gazetarin italian Bruno Vespa, kreu i Qeverisë, Edi Rama ka folur ditën e sotme edhe për televizionin italian “TG5”, gjatë edicionit informativ, në një kronikë të përgatitur për situatën ku ndodhet vendi ynë.
Pytur lidhur me plotësimin e kërkesës së opozitës për qeveri tranzitore, kryeministri Rama tha se kjo nuk do të ndodhë pasi kjo qeveri ka detyrë ndaj qytetarëve.
Pjesë nga intervista:
Opozita kërkon qeveri tranzitore dhe zgjedhje të parakohshme, ndërkohë ju nuk tërhiqeni… a do të jetë e mundur të gjeni një kompromis?
Kemi një mandat, kemi detyrë ndaj qytetarëve, nuk mund të themi tani anulojmë lojën, dhe ta nisim nga zero.