Kryetari i Grupit Parlamentar të Partisë Socialiste, Taulant Balla, mbrëmjen e sotme ka folur për procesin e zgjedhjes së Presidentit.
Balla bëri me dije se mazhoranca ditën e shtunë do të shkojë në Parlament vetëm me një emër të propozuar.
I pyetur se nëse mes emrave të propozuar të Partisë Socialiste është Gramoz Ruçi, Balla e bëri të qartë se ka qenë vetë ish-kryeparlamentari ai i cili e dha qartë përgjigjen në muaji qershor atëherë kur dhe u tërhoq nga politika.
“Shiko keni parasysh diçka se Gramoz Rruçi e ka dhënë përgjigjen e vetë qartë për këtë”, tha Balla.