Ish-deputetja e Partisë Demokratike Jorida Tabaku ka treguar nëse do të kandidojë për bashkinë e Tiranës ne emisionin “5 pyetje nga Babramo”.

Tabaku deklaroi se është kënaqësi të kandidojë për këtë bashki, por tha se nuk do të ketë zgjedhje lokale para zgjedhjeve qëndrore.

“Sigurisht që është kënaqësi kur shikon që vlerësohesh nga partia jote për punën e bërë. Unë nuk e mohoj që kam një lidhje të veçantë me qytetin e Tiranës, por nuk do të ketë zgjedhje lokale do ketë zgjidhje qendrore”, u shpreh ish-deputetja, ndërkohë që tregoi se ende nuk e ka diskutuar me kryetarin e PD-së Lulzim Bashën këtë çështje.

“Nuk ka patur asnjë diskutim me Bashën. Unë mendoj se është akoma herët për mua, brenda partisë nuk ka patur asnjë diskutim, është vetëm një diskutim i jashtëm”, shtoi Tabaku.

Ndërkohë deri tani kandidaturën për bashkinë e Tiranës e ka shpallur kryebashkiaku Erion Veliaj dhe kryetari i Partisë “Zgjidhja” Koço Kokëdhima

PËRGJIGJU

Please enter your comment!
Please enter your name here