Drejtoresha e Institutit të Shëndetit Publik, Albana Fico deklaroi se nëse lind nevoja, do të merren masa më të rrepta.
“Kjo është një situatë dinamike, e monitoruar çdo ditë. Nëse do të duhet të eskalohen këto masa, patjetër që do të bëhet. Masat e ndërmarra kanë një rezultat duke u nisur nga inkubacioni i sëmundjes, 4-6 javë. Të mos harrojmë që ky është një vlerësim në total i masave, nuk është një masë e vetme që bën diferencën. Të gjitha masat e intensitetit të ulët, si mbajtja e maskës, higjiena e distanca fizike të bashkërëndohen e të jenë në qendër të vëmendjes”, deklaroi Fico më Vizion Plus.