Ambasadori i OSBE-së në Tiranë Bernd Borchardt duke folur për situatën aktuale në vend, pas vendimit të Presidentit Meta për anulimin e zgjedhjeve thotë se zgjedhjet janë çështje e brendshme e Shqipërisë.
A do të ketë zgjedhje më 30 qershor për OSBE-në? Borschardt është përgjigjur kështu: “Siç e thashë institucionet shqiptare janë ato që marrin këtë vendim”.
Ai shprehu bindjen se institucionet shqiptare do të gjenë se kush e ka argumentin më të mirë ligjor. Ndërsa për vendimin e PS-së për të nisur procedurat për shkarkimin e Ilir Metës ai tha: “Siç e thashë kjo është çështje e brendshme Shqipërisë që i përket Parlamentit e më pas Gjykatës Kushtetutese”.