Zëvendëskryeministri Erion Braçe ka sqaruar VKM e miratuar së fundmi që përcakton zonën se ku lejohen kazinot në Shqipëri.
“Nuk do të hapen lojërat elektronike të fatit, ato që keni parë poshtë pallateve, buzë rrugëve. Nuk do të hapen bastet sportive.Mbetet në fuqi ndalimi ose ligji që i konsideron të paligjshme lojërat elektronike të fatit, bastet, bingot dhe çdo gjë tjetër,” shtoi zv.kryeministri në Euronews Albania.
Sipas Braçe, ligji i 2018 lë në fuqi kazinot në hotele me 5 yje dhe resort-kazinot, të certifikuara ndërkombëtarisht dhe nën një emër brandi.
Zëvendëskryeministri tha se Vendimi i Këshillit të Ministrave ka zbatuar nenin e ligjit ekzistues, që detyron Këshillin e Ministrave të nxjerrë vendim për përcaktimin e zonës, ku do të lejohen kazinot dhe procedurat.