Asnjë vendim nuk është marrë ende nëse presidenti rus Vladimir Putin do të marrë pjesë në samitin e BRICS në Afrikën e Jugut në gusht, tha të premten zëdhënësi i Kremlinit Dmitry Peskov.
“Asnjë vendim nuk është marrë ende për këtë”, u shpreh Peskov për CNN.
Brazili, Rusia, India, Kina dhe Afrika e Jugut njihen si ekonomitë e BRICS me rritje të shpejtë.
Në fillim të këtij muaji, Gjykata Penale Ndërkombëtare lëshoi një urdhër arresti për Putinin me akuza për krime lufte. Urdhëri lidhet me një skemë të supozuar për të dëbuar fëmijët ukrainas në Rusi.
Afrika e Jugut është një palë e konventës që kërkon arrestimin e kujtdo për të cilin është lëshuar një urdhër nga gjykata.