Ministrja e Ekonomisë Delina Ibrahimaj foli në lidhje me zhvlerësimin e euros në vendin tonë.
“Nuk mundet që ne të marrim masa për subvencionimin e disa kategorive në nevojë për efektet e kursit që ne gjykojmë se janë ndikime natyrale të zhvillimit ekonomik dhe nuk janë ndikime të një momenti dhe jo të një krize”, tha nder tjera Ibrahimaj.
Delina Ibrahimaj: Ajo që kemi bërë për bizneset është një shtyrje për këstet e fitimit të parapagimit për bizneset, duke konsideruar faktin që këtë vit këto subjekte nuk do dalin me fitim. Fleksibiliteti i kurseve të këmbimit është një politikë që është zgjedhur nga banka e Shqipërisë që ka qenë shumë efektive dhe na ka ndihmuar në përballimin e krizave gjatë gjithë viteve të fundit ku ekonomia jonë është ndikuar nga tërmeti, pandemia dhe rritja e çmimeve kohëve të fundit. Nuk mundet që ne të marrim masa për subvencionimin e disa kategorive në nevojë për efektet e kursit që ne gjykojmë se janë ndikime natyrale të zhvillimit ekonomik dhe nuk janë ndikime të një momenti dhe jo të një krize. Kursi do të stabilizohet në një nivel më të ulët se sa mesatarja që ka qenë në dy tre vitet e fundit.