Kryeministri Edi Rama teksa ka rrëfyer mbi takimin e tij me Hashim Thaçin i cili ndodhet në burgun e Gjykatës Speciale në Hagë, ka thënë se nëse ish-presidenti i Kosovës do vijojë të jetë edhe për një dekadë aty atëherë ai do të duhet ta vizitojë edhe 10 herë të tjera.
Rrëfimi i Edi Ramës për takimin me Hashim Thaçin:
Edi Rama: Hashim Thaçi është një njeri me dhunti të jashtëzakonshme. Unë nuk njoh një tjetër në botën e politikës shqiptare që ka atë kombinim mes dhuntisë të njeriut politik për të dalë fitues në çdo situatë, durimit të madh për të përballuar pa shfaqur asnjë gjë dhe vullnetit për të arritur aty ku do. Në kushtet e gjithë rrugës që ai ka ndjekur për të arritur në majën e hierarkisë shtetërore së Kosovës do të ishte një president i shkëlqyer për ne.
Ju keni përfshirë shqiptarë të Kosovës pas 95 vjetësh në qeverinë shqiptare, është një filozofi kjo? Mendoni se mund të funksionojë dhe duhet të funksionojë?
Edi Rama: Është organike që duhet të funksionojë kështu për të gjithë ata që janë nënshtetas të Republikës së Shqipërisë. Për Hashimin edhe nëse nuk do të ishte në pamundësi do ta kishim të vështirë edhe për shkak të Kushtetutës që e ndalon, nëse nuk do të ishte ndalesa kushtetuese që duhet të ketë 10 vite që të ketë jetuar në Shqipëri, ai do të ishte presidenti i propozuar nga ne pa diskutim.
Do riktheheni ta takoheni sërish?
Edi Rama: Unë shpresoj që ai parashikimi yt të mos dalë i vërtetë apo të realizohet, sepse nëse do të jetë 10 vjet aty atëherë unë do të planifikoj të shkoj edhe 10 herë në Hagë.