Shkenca po evolon me hapa të shpejtë. Teknologjia po nxiton t’na befasojë. Një makineri që mund të lexojë mendjen dhe e konverton atë në të folur është ndërtuar së fundmi dhe po testohet nga shkencëtarët, në shpikjen që mund të ndryshojë jetën e njerëzve të paaftë për të komunikuar.
Sistemi inovativ kombinon fuqinë e sintetizuesve të fjalës dhe inteligjencës artificiale, për ta kthyer aktivitetin e trurit në fjali të kuptueshme. Ai bazohet në të njëjtën teknologji të përdorur nga Amazon Echo e Apple Siri dhe i ofron pacientëve të paralizuar nga goditjet cerebrale apo aksidentet mundësinë e komunikimit me miqtë e të dashurit.
Profesor Dr Nima Mesgarani i Columbia University, në New York, tha: Zëri ynë na lidh me miqtë e të dashurit prandaj humbja e tij nga sëmundjet ose aksidentet është aq shkatërrimtare. Studimi ynë sot mund të rikthejë këtë aftësi. Kemi treguar se me teknologjinë e duhur. Mendimet e njerëzve mund të dekodohen për t’u kuptuar nga çdo dëgjues”.