Mallrat që gjenden në bagazhin e udhëtarit përjashtohen nga taksat nëse për nga lloji dhe sasia e tyre, nuk kanë për qëllim përdorimin tregtar.
Referuar informacionit të publikuar në faqen zyrtare të Drejtorisë së Përgjithshme të Doganave, vlera e mallrave që përfitojnë përjashtim (pa përfshirë këtu produktet e duhanit dhe alkoolit) është sipas vlerës ekuivalente në lekë të shumave, dhe konkretisht për udhëtarët në rrugë tokësore është 300 euro, për udhëtarët në rrugë ajrore ose në rrugë detare është 430 euro dhe për udhëtarët nën 15 vjeç është 150 euro.