Lëkura e fasuleve tw zeza, referuar si “shtresat e farës” përmbajnë antioksidantë të fuqishëm, që ndihmojnë në ngadalësimin e plakjes dhe shmangien e një rreziku të mundshëm të kancerit.
Sipas Annessa Chumbley- t, konsulente ushqimore e specializuar, fasulet e zeza gëzojnë shumë më shumë antioksidantë se çdo lloj tjetër i fasules. Përfitimet shëndetësore të fasuleve të zeza janë nga më të ndryshmet:
1. Ju ndihmojnë të ndiheni mrekullueshëm
E konsideruar si “super fasulja”, vetëm në një filxhan fasule të zeza gjenden 15 gram proteina dhe 15 gram fibra. Ky kombinim shërben për t’ju mbajtur energjikë dhe të ngopur. Sikur të mos mjaftonte kjo, fasulja e zezë ndihmon edhe metabolizmin e yndyrës.
2. Kontrollojnë sheqerin në gak
Fasulja e zezë përmban niseshte rezistente, që kalon nëpër zorrët tuaja dhe parandalon rritjen e nivelit të sheqerit në gjak.
3. Luftojnë sëmundjet e zemrës
Duke ulur kolesterolin, fasulet e zeza sigurojnë shëndetin e zemrës suaj falë sasisë së madhe të fibrave të tretshme që gjenden te këto bishtajore.
Megjithatë, edhe fasulet e zeza kanë anën e tyre “negative”.
Lloji i këtyre fasuleve mund të konsumohet nga shumica e njerëzve, me përjashtim të personave që kanë probleme me tretjen, të cilët rrezikojnë gazra dhe fryrje për shkak të nivelit të lartë të fibrave.
Po kështu përdorimi i tyre i shpeshtë ndalohet dhe për këdo që ka hipertension (tension të lartë të gjakut) si pasojë e sasisë së madhe të natriumit. Ose si një rrugë e mesme, sigurohuni që përpara se t’i blini të jenë me natrium të reduktuar. Sipas specialistet Chumbley- t, e mira është që të hani një filxhan fasule të zeza çdo ditë. Nisur nga dieta personale e saj, ja si mund t’i konsumoni:
Mëngjes: Fasule me vezë
Drekë: Fasule dhe sallatë
Vakt i ndërmjetëm: Shoqërojini fasulet e zeza me copa avokadoje, lëng limoni dhe kripë deti. Anabel Magazine/