Pas mbledhjes së zgjatur të Kryesisë, Kryeministri Edi Rama bëri të ditur se propozimi i PS për kandidat për President do të jetë Gjeneral Bajram Begaj. Me profesion mjek, Begaj aktualisht është Shefi i Shtabit të Përgjithshëm të Forcave të Armatosura të Shqipërisë.Teksa shumëkush priste dhe një emër me eksperiencë politike, pas bërjes publike të kandidaturës së Begajt janë të shumta pyetjet se si erdhi ky propozim.
Ajo që ngre dyshime të forta është vizita e Shefit të Shtabit Bajram Begaj në Shtetet e Bashkuara të Amerikës më 24 maj, pra rreth 10 ditë më parë.
Begaj jo vetëm që do të pritej nga nivelet e larta në SHBA, por do të intervistohej dhe nga Zëri i Amerikës. Begaj do të vlerësonte bashkëpunimin me SHBA-të, edhe në kuadër të ndihmës për Ukrainën.
Me afrimin e seancës së nesërme ku do të bëhet dhe betimi, janë jo të pakët ata që shtrojnë pyetjen: A mos kanë dorë aleatët tonë edhe në këtë propozim? / tirananews.al