Shumë femra janë xheloze për të dashurit dhe sidomos për bashkëshortët dhe një nga problemet që i shqetëson është se shpesh ato nuk mund t’i dallojnë kur partnerët i tradhëtojnë. Por terapistja e çifteve, Melissa Ferrari, thotë se celulari, mund të jetë një shenjë dyshuese për ta dalluar.
Sipas saj nëse partnerët kanë diçka për të fshehur, gjëja e parë që ata bëjnë është ta vendosin përmbys ekranin e celularit në mënyrë që ju mos të shihni asgjë, por gjithsesi ata mund ta vënë edhe pa dashje dhe kjo nuk do të thotë se ju tradhëton.
Sipas një studimi të kryer në Britani, 56% e personave që tradhtojnë thonë se përdorin telefonin e tyre për të kontaktuar me partnerët e tjerë. Ndërsa 82% e tyre pranojnë se e mbajnë gjithmonë me vete celularin në mënyrë që partneri/ja e tyre të mos u shohë fshehurazi telefonin.
Një tjetër shenjë që paralajmëron ekspertja ka të bëjë me humbjen e dëshirës apo interesit së partnerit/es për të bërë gjëra në çift dhe fillon të veprojë si i pavarur.
Ndër të tjera Melissa Ferrari sugjeron që të jini të vëmendshëm në ato raste kur partneri/ja fillon të kërkojë sa më shpesh të kryejë marrëdhënie, sepse sipas ekspertes, kjo do të thotë që hormonet e tyre janë në rritje për shkak të sjelljes apo interesit që dikush tjetër ka kushtuar ndaj partnerit/es tuaj.