NHS (Shërbimi Shëndetësor Kombëtar) paralajmëron se simptomat kryesore të Covid-19 janë një kollë e re e vazhdueshme dhe një temperaturë e lartë, që do të thotë se ndjeni nxehtësi kur prekeni në kraharor ose kurriz dhe keni probleme me frymëmarrjen.
Ata me Covid-19, në të vërtetë, mund të përjetojnë një dhimbje barku përpara se të shfaqin këto simptoma të ngjashme me gripin. Një studim i ri, botuar në “Gazetën Amerikane të Gastroenterologjisë”, sugjeron që njerëzit mund të përjetojnë shqetësime në aparatin tretës, të tilla si diarre, kur janë të infektuar me koronavirus.
Brennan MR Spiegel, bashkë-kryeredaktor i “Gazetës Amerikane të Gastroenterologjisë”, tha: “Pacientët me Covid-19 që kanë shqetësime me aparatin tretës, kanë një rezultat më të keq klinik dhe rrezik më të lartë të vdekshmërisë në krahasim me të tjerët, duke theksuar rëndësinë e përfshirjes së simptomave si diarreja për të dyshuar Covid-19 para se të zhvillohen simptomat e frymëmarrjes “
Megjithatë, zhvillimi i këtyre simptomave nuk do të thotë që patjetër keni Covid-19 dhe ato janë të ngjashme me sëmundje të tjera, të tilla si ftohja e zakonshme ose gripi. Ekspertët thonë se disa individë mund të mos i kenë të gjitha këto simptoma ose të mos shfaqin asnjë prej tyre. Simptomat mendohet se shfaqen midis dy dhe 11 ditësh.