Që prej hyrjes së tyre në shtëpi, dy banorët, ndonëse jo me fjalë, kanë nënkuptuar se kanë pëlqim për njëri-tjetrin. Kjo javë, ndonëse u përcoll me pak debat mes tyre, pati dhe shumë momente të bukura, ku Amos dhe Dea folën edhe për të ardhmen, për të pasur fëmijë dhe një shtëpi bashkë.
Ata madje panë edhe një film bashkë në oborr, këtë javë. Të shpeshta kanë qenë bisedat mes tyre, për ‘pëlqimin’ apo miqësinë e fortë brenda shtëpisë. Këtë javë mes tyre pati një debat të vogël, që u komentua nga Dea dhe Amos.
Dea tha se Amos është djalë i sjellshëm, inteligjent, për tu marrë shembull dhe se është shumë e lumtur që e ka njohur brenda shtëpisë. Ajo shtoi se ka shumë besim sa i përket raportit që është krijuar mes saj dhe Amosit.
Amos nga ana tjetër u shpreh se që në fillim e ka kuptuar që Dea është vajzë shumë inteligjente dhe shumë kreative.
Amos: Janë të rrallë njerëzit kaq specialë sa Dea. Ne u pajtuam. Unë isha pak i ngarkuar për një gjest që ndodhi, por në fund të ditës u sqaruam dhe gjërat morën rrjedhën e tyre.
Edhe banorët e tjerë mendojnë se Dea dhe Amos kanë shumë kimi dhe se i shohin si çift.