Ushtria e Ukrainës ka rimarrë qytetin e Trostyanets në lindje të vendit.
Lajmin e bëri të ditur një zyrtar i lartë i mbrojtjes amerikane.
“Ukrainasit vijojnë përpjekjet për të rimarrë territorin nga forcat ruse“, u tha zyrtari gazetarëve, duke folur në kushte anonimiteti.
Nëse lajmi rezulton të jetë i vërtetë, ky është një sukses i madh për forcat ukrainase, pasi gjatë ditës së sotme, ky është qyteti i dytë ku vendasit rimarrin kontrollin.