Një ngjarje e rëndë ka tronditur Fierin dhe mbarë opinionin publik këtë mbrëmje, ku u gjet trupi i pajetë i një 8-vjeçari pas rrëmbimit nga një 38-vjeçar. Noa.al ka siguruar pamje nga vendngjarja, ku familjarët e të mitur qajnë për fatin tragjik të 8-vjeçarit.
Ai e ka rrëmbyer 8-vjeçarin rreth orësh 09:00 të mëngjesit të sotëm, teksa ai ishte duke bërë xhiro me biçikletë.
Është dashur alarmi i dhënë nga nëna e tij pas mesdite, që policia të niste kërkimet, dhe të gjente trupin e pajetë të të miturit të mbuluar nga balta.
Trupi i të miturit është mbajtur për minuta të tëra në vendin ku u gjet i pajetë, ndërkohë që dhimbja e familjarëve ka qenë e papërshkrueshme.